"Paxtakor" futzal jamoasi AGMKdan 3:2 hisobida ustun keldi va yakka peshqadamga aylandi

Futzal bo'yicha oliy liga 3-turida markaziy bahsda "Paxtakor" AGMKni dog'da qoldirdi va yakka peshqadamga aylandi.

Birinchi bo'limda ustunlik bilan o'ynagan futzalchilarimiz ketma-ket raqib darvozasi atrofida keskin holatlarni yuzaga keltirishdi. 17-daqiqada Sunnatilla Jo'raev juda kuchli va aniq zarbasi bilan hisobni ochdi. Ikkinchi bo'limda bir necha marta tezkor hujum tashkil qilgan jamaomiz 29-daqiqada oradagi farqni oshirdi. Akbar Usmonov AGMKning ikki o'yinchisidan o'tib ketdi va to'pni darvozaga yo'lladi. So'ng "Paxtakor" darvozasiga belgilangan ikki penaltidan raqib futzalchisi Abdurahmonov aniq foydalandi. 38-daqiqada esa Shuhrat Toshmedov shogirdlari g'alaba golini urishdi. Dabl penaltidan unumli foydalangan Avaz Abduvaliev "Paxtakor"ning yakka peshqadam bo'lib olishini ta'minladi.

AGMK - "PAXTAKOR" - 2:3 (0:1)
AGMK: Umarov, Valijonov, Yunusov, Choriev, Ahadjonov.
Zaxira: O'lmasbekov, Berdiev, Ropiev, Hamroev, Solihov, Abdurahmonov, Nishonov, Aminov, Rahmatov, Olimov.
"Paxtakor": Hazratqulov, Odilov, Usmonov, Shavkatov, Abduvaliev.
Zaxira: Irsaliev, Jo'raev, Abdumavlonov, Sviridov, Rajabov, Ibrohimov, Zoirov, Mahmudov.
Gollar: Abdurahmonov 30-pen, 35-pen - Jo'raev 17, Usmonov 29, Abduvaliev 38.