Tedesko: «O'runovning debyuti yaxshi chiqdi»

«Spartak» bosh murabbiyi Domeniko Tedesko o'zbekistonlik yarim himoyachi Oston O'runovning debyuti haqida o'z fikrini bildirib o'tdi.

19 yoshli futbolchi «Arsenal»ga qarshi uchrashuvning 69-daqiqasida zaxiradan maydonga tushdi.

«O'runovning debyuti yaxshi chiqdi. Boshida u ikki vaziyatda to'pni yo'qotdi, keyin esa o'z o'yinini topib oldi. U hali juda yosh, jamoa va taktikaga moslashib olishi uchun unga vaqt kerak. Moslashish uchun esa unga vaqt beramiz», — dedi Tedesko.