"Mustaqillik kubogi". Sarvarbek Zafarjonov terma jamoamizga kumush medal taqdim qildi

Og'ir atletika bo'yicha o'tkazilayotgan “O'zbekiston Respublikasi Mustaqilligi kubogi” onlayn musobaqasida ikkinchi kun bellashuvlari o'z yakuniga etdi. Biroz avval yosh polvonlarimizdan biri Sarvarbek Zafarjonov -89 kg vazn toifasida ishtirok etdi.

20 yoshli Sarvarbek dast ko'tarish mashqini 168 kilogramm bilan ikkinchi o'rinda yakunlagan bo'lsa, uning siltab ko'tarish mashqida qayd etgan 207 kg natijasi ikki kurashda 373 kilogramm ko'rsatkichni taqdim qildi. Zafarjonov yakunda ikkinchi o'rinni saqlab qolishga muvaffaq bo'ldi.

-89 kg.:
1. Vellenilla Keydomar (Venesuela) – 377 kg
2. Sarvarbek Zafarjonov (O'zbekiston) – 373 kg
3. Ritvars Suxavers (Latviya) – 356 kg