3 ta emas, 5 ta: APLning 5 grandi "bir yoqadan bosh chiqardi"

Angliya Premer-ligasi klublari 2020/21 yilgi mavsumda 5 ta almashtirishdan voz kechish to'g'risidagi qarorini qayta ko'rib chiqadilar. Bu haqda The Sun nashri xabar berdi.

Avgust oyi boshida Premer-liga klublari umumiy yig'ilishda uchta almashtirishga qaytishga ovoz berishgandi. Endi "Liverpul", "Manchester Siti", "Manchester Yunayted", "Chelsi" va "Arsenal" o'tgan mavsum oxirida bo'lgani kabi kelgusi mavsumda 5 tagacha almashtirishni qayta ishlatishni taklif qilishmoqchi.

Bu masala klublarning navbatdagi yig'ilishi kun tartibiga kiritiladi. Ovoz berish 3 sentyabr kuni bo'lib o'tishi kutilmoqda.

Eslatib o'tamiz, Xalqaro futbol assotsiatsiyasi kengashi har bir o'yinda beshta almashtirish qoidasini 2021 yilning yoziga qadar uzaytirishi mumkin.