Messining «Barsa»ni tark etayotganiga «Real»ning munosabati qanday?

«Barselona» sardori Lionel Messi jamoani tark etishi mumkinligi haqidagi xabarlarga «Real»dagilar qanday munosabatda ekani ma'lum bo'ldi.

"Marca" tarqatgan xabarga ko'ra, Madrid tomonlarda hech kim argentinalik futbolchini sotib olish haqida o'ylayotgani yo'q. "Qirollik klubi" mazkur yozgi transfer paytida faqat o'yinchi sotish payida bo'lmoqda.

Messining «Barsa»dan ketishini «Real» yaxshi xabar sifatida baholayotgani yo'q. Chunki, raqib jamoa Leoning maoshidan tejaladigan pul orqali ortiqcha 100 mln evroga ega bo'ldi. Bu esa "ko'k-anorranglilar" uchun qayta qurishni amalga oshirishga yordam beradi. Uning transferidan tushadigan pulga esa "Barselona" tarkibni kuchaytirib olishi mumkin.