«Shalke» himoyachisi Turinda tibbiy ko'rikdan o'tadi

Fabritsio Romano xabariga ko'ra, "Shalke" himoyachisi Ueston Makkenni "Yuventus"da tibbiy ko'rikdan o'tish uchun bugun 27-avgust kuni Turin shahriga etib keladi.

Qayd etilishicha, amerikalik futbolchi turinliklar tarkibida ijara asosida to'p suradi. Italiyaliklar "Shalke"ga 3 mln evro ijara haqini to'lashadi. Agar "Yuventus" futbolchini sotib olishmoqchi bo'lsa yana 18 mln evro to'lashi kerak.

Ma'lumot o'rnida, Makkenni "Shalke" tarkibida barcha musobaqalarda 91 ta uchrashuv o'tkazgan va 5 ta gol urgan.