"Yuventus" "Sassuolo" futbolchisi bilan shartnoma imzolash niyatida

"Yuventus" va "Sassuolo" yarim himoyachi Manuel Lokatelli transferi bo'yicha muzokaralar olib borishmoqda, deya xabar beradi jurnalist Janluka Di Martsio.

Manbaning xabariga ko'ra, turinliklar 22 yoshli yarim himoyachi bilan besh yillik shartnoma imzolamoqchi, ammo transfer summasi borasida kelisha olishmayapti.

Transfermarkt portalining xabar berishicha, futbolchining taxminiy qiymati 25 million evroni tashkil qiladi.

Eslatib o'tamiz, Lokatelli o'tgan mavsum "A" seriyada 33ta o'yin o'tkazib, 4ta gollik uzatma amalga oshirdi.