Hamidjon Aktamov: «Hakam bo'limlar o'rtasida suv ichishga imkon berishi kerak edi»

Coca Cola Superligasi 12-turidan o'rin olgan "Qizilqum" - "So'g'diyona" (1:1) uchrashuvidan keyin jamoamiz bosh menejeri Hamidjon Aktamov uchrashuv haqida fikrlarini bildirdi.

"Bugun ikki hil taym guvohi bo'ldik. Birinchi bo'limda yaxshi o'ynadik, gol ham urdik. Ikkinchi bo'limda majburiy o'zgarishdan keyin rejalarimiz o'zgarib ketdi. "Sug'diyona" ham yaxshi jamoa. Hisob o'yinga mos bo'ldi, durang adolatli natija, deb o'ylayman.

To'g'risi, ikki jamoaga ham bugun qiyin bo'ldi. Bahsning 25-daqiqasida suv ichib olishga imkoniyat berilishi kerak edi. Bilmadim nima uchun bugun bu narsa bo'lmadi. Natijada ikki jamoa ham qiynaldi. Baribir havo issiqlik qildi, ikki jamoaning ham o'yin tempi bir xil bo'ldi.

Yuqorida aytganimdek, majburiy o'zgarish rejalarimizga ta'sir qildi. Qadamboy Nurmetov o'zi zaxiradan maydonga tushgandi, uni yana almashtirish bu hisobni ushlab qolish uchun harakat edi. Raqib hujumni kuchaytirdi, biz esa himoyani.

Sherali Jo'raevni Jasur Hasanovga qarshilik ko'rsata olmadi deya olmayman. Aksariyat almashtirishlar majburan amalga oshirildi. Bu bilan Sherali Jo'raev yomon o'ynadi degan fikridan yiroqman. Jasur Hasanov ham maydonga yangi kuch bilan tushdi. Taktikamiz bo'yicha Sheralini oldinga chiqardik", — deydi Hamidjon Aktamov.