«Barselona» 4 o'yinchidan maoshining kamaytirilishiga rozi bo'lishni so'radi

«Barselona» rahbariyati 4 o'yinchining maoshini kamaytirish maqsadida ularning shartnomasini qayta ko'rib chiqmoqchi.

Kataloniyaliklar Jerar Pike, Serxio Buskets, Jordi Albu va Serji Robertoga murojaat qilib, maoshlarining kamayishiga rozi bo'lishni so'rashdi. Bu haqda "Mundo Deportivo" xabar tarqatdi.

Klub koronavirus pandemiyasi paytida moliyaviy muammolarga duch keldi. Jamoa anchadan beri daromad topmayapti. Shu bois, xarajatlarni kamaytirish yo'llarini qidirmoqda.

Bundan tashqari, "ko'k-anorranglilar" ba'zi o'yinchilarni transferga qo'ymoqchi.