"Manchester Yunayted" darvozaboni jamoasini o'zgartiradi

"Manchester Yunayted"ning portugaliyalik darvozaboni Joel Perreyra "Xaddersfild"ga o'tishga yaqin turibdi. "Qizil iblislar" safida darvozabonga maydonga tushish uchun imkon yo'q. 

24 yoshli posbon jamoaning 3-darvozaboni bo'lishi mumkin edi, biroq Din Xendersonning qaytishi rejalarni o'zgartiradi. 

Endi Perreyra yana ijara asosida boshqa jamoaga yo'l oladi. O'tgan mavsumni darvozabon Shotlandiyaning "Xarts" jamoasida o'tkazgandi.

Eslatib o'tamiz, Perreyra "Manchester Yunayted" safida 1ta o'yinda maydonga tushgan. 2017 yilda Joze Mourino darvozabonni asosiy tarkibga kiritgandi.