"Milan" "Real" futbolchisini ijaraga olmoqchi

"Real" yarimhimoyachisi Braim Dias faoliyatini Italiyada davom ettirishi mumkin.

Jurnalist Fabritsio Romanoning xabar berishicha "Milan" futbolchining ijarasi bo'yicha muzokaralarni boshladi. Italiya klubi ijara shartnomasida yarimhimoyachini sotib olish narxini belgilatishni rejalashtirmoqda.

Eslatib o'tamiz, 21 yoshli ispaniyalik futbolchi "Real"ga 2019 yil yanvarida "Manchester Siti"dan 17 million evro evaziga kelib qo'shilgan edi.

Ma'lumot o'rnida, Madrid klubi uchun Dias 21 ta o'yinda maydonga tushib, 2 ta gol urdi va 3 ta gollik uzatma amalga oshirdi.