Dilshod Nuraliev: «Futbolchilar bilan faqatgina bitta mashg'ulot o'tkazdim»

«Paxtakor»ga qarshi o'yindan keyin «Lokomotiv» bosh murabbiyi vazifasini bajaruvchi Dilshod Nuraliev o'z fikrlarini bildirib o'tdi.

- «Paxtakor» juda kuchli o'yin ko'rsatdi. Jamoamiz o'yinga umuman tayyor emas. Yigitlar qo'lidan kelganicha o'ynadi, bundan ortig'i bo'lmaydi. Hozircha «Paxtakor»ga qarshi bundan ortiq yaxshi o'ynab bo'lmaydi. Tan olish kerak, «Paxtakor» jamoasi juda kuchli, ularni g'alaba bilan tabriklayman. Jamoa boshqaruvini o'z qo'limga olganimga ko'p bo'lmadi. Futbolchilar bilan faqatgina bitta mashg'ulot o'tkazdim. U ham bo'lsa kecha, o'yinoldi mashg'ulotda bo'ldi.

Iloji boricha jamoani yoshartirishga harakat qilyapmiz. Chunki klub rahbarlari shunday yo'ldan borishni ma'qul ko'rmoqda. Juda og'ir davr bo'ladi. Qo'ldan kelgancha jamoa holatini yaxshilashga harakat qilamiz.

Manba: lokomotiv.uz