Viktor Kumikov: «Bugun g'alabaga juda yaqin kelgandik»

Coca Cola Superligasi 12-tur doirasidagi "Qo'qon-1912" - "Andijon" uchrashuvidan keyingi matbuot anjumanining ikkinchi qismida jamoamiz ustozi Viktor Kumikov ishtirok etdi.

"Avvalo, chiroyli o'yin namoyish etgani uchun yigitlarimga rahmat aytmoqchiman. Uchrashuvga jiddiy tayyorgarlik ko'rgandik, g'alabaga uchun maydonga chiqqanimizni amalda isbotlay oldik, yigitlarda g'alabaga bo'lgan tashnalik ko'rinib turgandi. Bugun g'alabaga juda yaqin kelgandik. Afsuski, omad biz tomonda bo'lmadi. G'alaba qozonish uchun gol urish kerak, lekin biz buni uddasidan chiqa olmadik", — dedi Kumikov.