Baxtiyor Ashurmatov: «Andijon»dan bunday o'yin kutmagandim»

Coca Cola Superligasi 12-tur doirasidagi "Qo'qon-1912" - "Andijon" uchrashuvidan keyingi matbuot anjumanining birinchi qismida qo'qonliklar bosh murabbiyi Baxtiyor Ashurmatov ishtirok etdi.

"Bugun “Andijon” jamoasida butunlay kutilmagan o'yin, kutilmagan taktik o'zgarish va boshqacha shijoatni ko'rdim. Ko'plab o'yinlar o'tkazgan bo'lsak, bugun eng og'ir uchrashuvlardan biri bo'ldi. “Derbi” o'z nomiga yarasha jangovar ruhda o'tdi. Lekin bu bahs mavsumdagi eng yomon o'yinimiz bo'ldi. O'ylagan taktik uslublarimiz ham o'xshamadi. G'alaba qozongan bo'lsak-da, o'yindan murabbiyi sifatida ko'nglim to'lmadi. “Andijon” bugun kamida durangga loyiq o'yin kursatdi", — dedi Baxtiyor Ashurmatov.