"Roma" "Yuventus" sobiq forvardi bilan shartnoma imzolamoqchi

Italiya matbuotining xabariga ko'ra, "Roma"ga hujumchi Mario Mandjukich xizmatlarini taklif qilishdi. Avvalroq, xorvatiyalik forvard Qatar klubi bilan shartnomani bekor qilgan edi.

34 yoshli hujumchi hozirda erkin agent sanaladi. Mario faoliyatini top-ligalarda davom ettirmoqchi. Mario "bo'rilar" bilan 4 million evro maosh evaziga shartnoma imzolashga tayyor. 

Eslatib o'tamiz, "Roma" shuningdek, "Spartak" hujumchisi Aleksandr Kokoringa ham qiziqish bildirmoqda.