Bugun futbol. «Paxtakor» — «Lokomotiv»

Bugun Superliga 12-tur bahslariga start beriladi. Toshkentda «Paxtakor» va «Lokomotiv» o'rtasidagi poytaxt derbisi guvohi bo'lamiz.

Garchi o'yin «Lokomotiv» stadionida bo'lib o'tsada, «Lokomotiv» mehmon, «Paxtakor» esa mezbon maqomida to'p suradi. O'yinni 18:30dan boshlab «Mahalla» telekanalida tomosha qilishingiz mumkin.

Musobaqa jadvalida «Paxtakor» 28 ochko bilan peshqadamlik qilmoqda. «Loko» 12 ochko bilan 9-o'rinni egallab turibdi. «Paxtakor»da to'plar nisbati 31-8, «Lokomotiv»da bu borada ko'rsatkich 13-17.

«Paxtakor» oxirgi ikkita uchrashuvni g'alaba bilan yakunladi. Shota Arveladze shogirdlari markazlashgan chempionatda dastlab «Qo'qon-1912»ni 3:1, so'ngra «Nasaf»ni 4:1 hisobida mag'lub etishdi.

«Lokomotiv» esa aksincha oxirgi ikki o'yinda imkoniyatni boy berdi. «Temiryo'lchilar» AGMK bilan kechgan bahsda 1:3, «Qo'qon-1912» bilan o'yinda 1:2 hisobida mag'lub bo'lishdi.

Bugungi uchrashuv derbi maqomiga ega bo'lgani uchun ancha qiziqarli kechishi kutilyapti. «Lokomotiv»dan odatdagidek bu turda ham g'alaba kutib qolamiz. Har holda «Paxtakor» bizning printsipal raqibimiz hisoblanadi va bu raqibga qarshi futbolchilarimiz astoydil kurash olib borishadi.