Tuxel: «Birinchi biz gol urganimizda, 1:0 hisobida g'alaba qozonar edik»
/ Kiritdi: BestMaster Ko'rilgan: 407
«PSJ» bosh murabbiyi Tomas Tuxel Evropa chempionlar ligasi finalidan keyin o'z fikrlarini bildirib o'tdi.
«Biz borimizni berdik. Maydonda o'z yuragimizni va kuchimizni qoldirdik. Finalda bu narsa kerak, ammo hech kim natijani kafolatlay olmaydi. Birinchi gol o'yin taqdirini hal qilishini taxmin qilgandim.
Ikki o'ta kuchli jamoalar to'qnashuvida o'yin taqdirini bitta gol hal qildi. Jamoam ko'rsatgan xarakterdan, so'nggi bir nechta uchrashuvlarda ko'rsatgan o'yinimiz bilan faxrlanaman. Murabbiy sifatida bundan ortig'ini so'ray olmayman. Ha, hafsalam pir bo'ldi, ammo juda og'riqli emas.
Gol — bugun bizga etishmagan yagona narsa. Biz vaziyatlar yaratdik, ammo raqib gol urdi. Ishonchim komil, agar birinchi bo'lib biz gol urganimizda, 1:0 hisobida g'alaba qozonar edik. Juda yaxshi o'yin namoyish etgan daqiqalarimiz bo'ldi. Ba'zida esa sabr qilishimizga to'g'ri keldi. Yakunda esa vaziyatlardan foydalanish pand berdi. Kilian va Neymar hamisha gol urishlarini istaymiz, ammo buni doimo talab qilishning imkoniyati yo'q», — dedi Tuxel.
Bosh sahifaga
173