Shipilov: "Balki issiqda o'ynash kerakdir, hozir juda shinam stadionda o'yin o'tkazdik"

Superliga 11-turidan o'rin olgan "Metallurg" - "Qizilqum" (1:2) uchrashuvidan keyin mezbonlar ustozi Andrey Shipilov o'z fikrlarini bildirdi.

"Tanaffusdan keyingi o'yinlarda betartib o'ynayapmiz. O'tgan o'yinda birinchi bo'limda yaxshi o'ynab, ikkinchi bo'limda o'ynolmagandik. Bugun aksincha, birinchi bo'limda yaxshi o'ynolmagan bo'lsak, ikkinchi bo'limda yaxshiroq harakat qildik. Bu nima bilan bog'liq ekanligini bilmayman. Futbolchilar xarakter ko'rsata olishmayapti. Jamoamizda etakchi yo'q".

"Oxirgi ikki o'yinimizdan keyin nimadir deyish qiyin, bu o'yinlar xuddi "egizaklar"ga o'xshaydi. Hozir hamma jamoalarga qiyin. Kimdir chiroyli o'yin ko'rsatadi, kimdir shunga intiladi, hamma harakat qilyapti, biroq oxirgi ikki o'yinimizni inobatga olsak, faqat bir bo'lim o'ynayapmiz. Balki issiqda o'ynash kerakdir, hozir juda shinam stadionda o'yin o'tkazdik, havo ham zo'r, +28 gradus.

Shiforkorimizga rahmat, futbolchilarning holati haqida qayg'urdi va o'yinchilarni yaxshi holatga keltirdi. Ubaydullaevga nima bo'lyapti? Bilmayman, u oxirgi ikki o'yinda juda yomon o'ynadi. Chumak ham eng yomon o'yinlarini o'tkazgan bo'lsa kerak.
"Qizilqum"ni g'alaba bilan tabriklayman.

O'yinchilarimiz milliy terma jamoadan chaqiruv olgach, o'z ustida ishlamay qo'ymoqda. Ular o'zlariga nisbatan tanqidiy yondashishlari lozim. Jamoada tartib bo'lishi, har bir kishi o'z ustida ishlashi kerak.

Biz ham chiroyli futbol ko'rsatishga astoydil harakat qilyapmiz. Faqat intizom bo'lishi shart", - deydi Shipilov.

Manba: Metallurg matbuot xizmati