Igor Sergeev «Paxtakor»ning yuqori ligadagi to'purarlari ro'yxatida ikkinchi o'ringa ko'tarildi

"Nasaf" darvozasiga urilgan gol bilan Sergeev hisobida oliy ligada urilgan gollar soni 92taga etdi.

Igor "Paxtakor" tarkibida yuqori ligada eng ko'p to'p kiritgan futbolchilar ro'yxatida ikkinchi o'ringa ko'tarilib oldi. Sergeev bungacha ikkinchi o'rinda borgan Igor Shkvirindan so'nggi ikki turda uch gol urgan holda o'zib ketishga erishdi. Endilikda Sergeevda 92, Shkvirinda 91 gol mavjud.

Yuqori ligada eng ko'p to'p kiritgan futbolchi Gennadiy Krasnitskiy hisoblanadi. U yuqori liga o'yinlarida 102 bor raqiblar darvozasini ishg'ol qilishga erishgan.

Gennadiy Krasnitskiy  102
Igor Sergeev 92
Igor Shkvirin  91
Birodar Abduraimov  87
Anvar Soliev    86
Zayniddin Tojiev  71
Andrey Yakubik  70
Aleksandr Geynrix    66
Server Jeparov  64
Dilmurod Nazarov  56

Chempionatlardagi mutloq to'purarlari ro'yxati esa quyidagicha ko'rinish olgan.

Gennadiy Krasnitskiy - 142
Igor Shkvirin - 136
Birodar Abduraimov - 130
Igor Sergeev - 92
Anvar Soliev - 86
Zayniddin Tojiev - 71
Andrey Yakubik - 70
Azamat Abduraimov - 67
Aleksandr Geynrix - 66
Server Jeparov - 64