Evropa ligasi-2019/20da kim eng yaxshi to'purar bo'lganini bilasizmi?

«Inter» hujumchisi Romelu Lukaku Evropa ligasi finalida «Sevilya» darvozasiga bitta gol urdi.

Belgiyalik futbolchi uchun bu gol musobaqaning joriy mavsumidagi ettinchi gol bo'ldi. Saralash bosqichini inobatga olmaganda, Lukaku to'purarlar ro'yxatini 2-o'rinni egalladi.

«Manchester Yunayted» yarim himoyachisi Brunu Fernandesh esa 8ta gol bilan Evropa ligasi to'purariga aylandi.

Uchinchi pog'onani 6ta gol bilan Andraj Shporar («Sporting»/»Slovan»), Daiti Kamada («Ayntraxt»), Alfredo Morelos («Reynjers»), Edin Vishcha («Istanbul) va Diogu Jota («Vulverxempton») egallashdi.