O'zbekiston futzal terma jamoasi Olmaliq shahrida o'quv-mashg'ulot yig'ini o'tkazadi

O'zbekiston futzal terma jamoasi qisqa tanaffusdan so'ng Osiyo chempionatiga tayyorgarlik jarayonini davom ettiradi.

Baxodir Ahmedov murabbiyligi ostidagi futzalchilarimiz 4-18 sentyabr kunlari Olmaliq shahrida o'quv-mashg'ulot yig'ini o'tkazadi. Murabbiylar shtabi ushbu yig'inga 20 nafar futzalchini jalb etgan.

Futzal terma jamoamiz noyabr oyida o'tadigan Osiyo chempionati «S» guruhida Bahrayn, Xitoy va Indoneziya vakillari bilan kurash olib boradi. Mazkur chempionatda muvaffaqiyatli ishtirok etgan 5 ta jamoa 2021 yilgi futzal bo'yicha Jahon chempionatiga yo'llanmani qo'lga kiritadi.