Mirjalol Qosimov: "O'tkazib yuborgan golimiz futbolchilarga qo'shimcha ma'suliyat yukladi"

11-tur doirasida bo'lib o'tgan "Andijon"-AGMK jamoalari o'rtasidagi uchrashuvdan so'ng, Mirjalol Qosimov o'z fikrlarini bildirdi.

- Raqibni yaxshi o'rgangan edik. Uchta markaziy himoyachi bilan o'ynaydi deb o'ylamagandim, chunki avvalgi o'yinlarida to'rtta himoyachi o'ynagan edi. Birinchi bo'limda yaxshi vaziyatlar sodir etdik. Penaltidan o'tkazib yuborgan golimiz futbolchilarga qo'shimcha ma'suliyat yukladi va yanada kuchliroq o'yin ko'rsatishga harakat qilishdi.

Raqib ham, biz ham bir xil sharoitda va bir xil vaqtda o'ynadik. Yoshligimni eslasam, soat 15:00da ham o'ynagan kunlarim yodga tushmoqda.

Tarkibdan qoniqyapmiz, rotatsiya qilib har bir futbolchiga imkoniyat berilmoqda.