"Fiorentina" "Chelsi" himoyachisiga ko'z tikmoqda

"Chelsi" himoyachisi Davide Zappakosta faoliyatini Italiyada davom ettirishi mumkin, deya xabar beradi jurnalist Janluka di Martsio.

Manbaning xabariga ko'ra, 28 yoshli italiyalik futbolchiga o'ng qanot himoyasini kuchaytirishni istayotgan "Fiorentina" klubi qiziqmoqda. Shuningdek, "Fiorentina" "Roma"dan Alessandro Florentsi va "Peskara"dan Gabriele Zappa variantlarini ko'rib chiqmoqda.

Eslatib o'tamiz, yakunlangan mavsumda Zappakosta "Roma"da ijara asosida to'p surib, atigi 9 ta o'yinda maydonga tushdi.