«Spetsiya» o'z tarixida ilk marta A seriyaga chiqdi

"Spetsiya" klubi A seriyaga chiqish uchun o'tkazilgan pley-off bosqichida g'alaba qozondi.

Jamoa ikki o'yin natijasiga ko'ra "Frozinone" bilan 1:1 hisobida durang o'ynadi. Ammo reglamentga ko'ra, qo'shimcha bo'limlar o'tkazilmadi. "Spetsiya" V seriyada raqibiga nisbatan yuqoriroq o'rinni (3 va 8-o'rinlar) egallagani uchun to'qnashuvda g'olib deb topildi.

Shu tariqa, 1906 yilda tashkil etilgan "Spetsiya" o'z tarixida ilk marta A seriya yo'llanmasini qo'lga kiritdi.