«Bavariya» Chempionlar Ligasida «Real»ning rekordini takrorladi

«Bavariya» Chempionlar Ligasining yarim final bosqichida «Lion»ni 3:0 hisobida mag'lub etib, Chempionlar Ligasi finaliga yo'llanmani qo'lga kiritdi.

Myunxenliklar Chempionlar Ligasining joriy mavsumida o'tkazilgan 10 o'yinning barchasida g'alaba qozondi. Shu tariqa nemis klubi 2013 yilda o'zi va 2014–2015 yillarda «Real» tomonidan o'rnatilgan rekordni takrorladi.

Shuningdek, agar g'alabalar seriyasi mavsum boshidan hisoblansa, unda «Bavariya» «Barselona»ning 2002/03 yilgi mavsumdagi rekordini (Chempionlar Ligasining dastlabki 9 ta bahsida g'alaba qozongan) yangiladi.

Eslatib o'tamiz, «Bavariya» va PSJ o'rtasidagi Chempionlar Ligasi final o'yini 23 avgust sanasiga belgilangan.