Levandovski EChLda ketma-ket 9-o'yinda gol urdi

Evropa chempionlar ligasi yarim final bosqichida "Bavariya" "Lion" bilan to'qnash kelib, yirik hisobda g'alaba qozondi. Myunxenliklarning gollaridan biri Robert Levandovski hisobiga yozildi.

Polshalik futbolchi musobaqaning joriy mavsumida har bir uchrashuvda gol urmoqda. U 9ta o'yinda 15ta to'p kiritdi va turnir to'purari bo'lib turibdi.

Ketma-ket 9ta gol urgan Levandovski niderlandiyalik hujumchi Rud van Nistelroyning natijasini takrorladi. Faqat bir o'yinchi golli o'yinlar seriyasi bo'yicha ulardan yaxshiroq natija qayt etgan. Krishtianu Ronaldu 2017-2018 yillarda EChL doirasida ketma-ket 11ta uchrashuvda gol urgan.