«Borussiya» «Inter» futbolchisini o'z safiga qo'shib olishga yaqin turibdi

Italiyaning «Inter» klubi yarim himoyachisi Valentino Lazaro faoliyatini Menxengladbaxning «Borussiya» klubida davom ettirishi mumkin.

Tomonlar shartnoma shartlari borasida kelishuvga erishdi. «Borussiya» futbolchini bir yilga ijaraga oladi va mavsum yakuniga etgach, uni 20 million evro evaziga to'laqonli ravishda sotib oladi.

Lazaro yakuniga etgan mavsumning yarmini Angliyaning «Nyukasl» klubi tarkibida ijara asosida o'tkazdi.