Superliga. AGMK so'nggi daqiqalardagi gollar evaziga «Lokomotiv»ni mag'lub etdi

Coca-Cola Superliga 10-turida AGMK va «Lokomotiv» jamoalari 17 avgust, dushanba kuni o'zaro bahs yuritdi.

Uchrashuvning 36-daqiqasida AGMK darvozaboni Suhrob Sultonov jarima maydoniga oshirib berilgan to'pni o'z darvozasiga kiritib qo'ydi. Biroq, ikkinchi bo'limda Mirjalol Qosimov shogirdlari uchta to'p bilan javob qaytardi.

47-daqiqada Yovan Jokich hisobni tenglashtirdi. Barchasi durang tomon ketayotgan bir vaqtda 88-daqiqada Zafar Polvonov yaqin masofadan bo'sh qolgan darvozani ishg'ol qildi. Hakam tomonidan qo'shib berilgan vaqtda Jasur Umarov olmaliqliklarning qarshi hujumini muvaffaqiyatli yakunladi.

Shu tariqa ushbu g'alabadan keyin AGMK ochkolarini 24 taga etkazib oldi va peshqadamga aylandi. Olmaliq klubi ushbu turda o'z o'yinini o'tkazmagan «Paxtakor»ni ikki ochkoga ortda qoldirmoqda. «Lokomotiv» (12) esa 8-o'rinda qoldi.

Coca-Cola Superliga, 10-tur bahsi
17 avgust, dushanba
AGMK — «Lokomotiv» 3:1
Gollar: 0:1 – 36, avtogol Sultonov, 1:1 – 47 Jokich, 2:1 – 88 Polvonov, 3:1 – 90+1 Umarov.
AGMK: Suhrob Sultonov, Akmal Shorahmedov (Shahzod Nurmatov, 84), Dilshod Jo'raev, Sardor Rahmonov, Saydullo Rahmatov, Yovan Jokich, Mirjamol Qosimov (Mirg'iyos Sulaymonov, 84), Bahrom Abdurahimov (Sanjar Tursunov, 46 (Jasur Umarov, 90)), Arslonmurat Amanov (Murod Toshmatov, 74), Zafar Polvonov, Hojimat Erkinov.
«Lokomotiv»: Javohir Ilyosov, Kaxi Maxaradze, Vadim Afonin (Ibrohim G'anixonov, 74), Marat Bikmaev,  Temurxo'ja Abduxoliqov, Avazbek O'lmasaliev, Javohir Alijonov (Davron Umirov, 60), Shuhrat Muhammadiev, Sherzod Fayziev, Diyor Turopov, Farruh Ibrohimov.
Ogohlantirish: Qosimov (66).

Manba: daryo.uz