Messi «Barsa»dan ketishini rahbariyatga ma'lum qildi

Hujumchi Lionel Messi mazkur yozgi transfer paytida «Barselona»ni tark etmoqchi. Bu haqda Braziliyaning "Esporte Interativo" nashri jurnalisti Marselo Bexler xabar tarqatdi.

Manbaga ko'ra, argentinalik futbolchi o'z qarorini klub rahbariyatiga ma'lum qildi. U shartnomasi yakunlanadigan muddat — 2021 yilning yozini kutmoqchi emas.

«Barsa» tizimida ishlaydigan insonning "Esporte Interativo"ga ma'lum qilishicha, Messining klubdan ketish haqidagi qarori haqiqatan ham ancha qat'iy ko'rinmoqda. Sabab — klubda sovrinlar yutishga qodir bo'lgan jiddiy loyihaning yo'qligi.

Avvalroq Messi «Inter» qarorgohiga yaqin joydan ko'chmas mulk sotib olgan edi.