Xose Kalexon La Ligaga yo'l olishi mumkin

"Napoli"ning sobiq hujumchisi Xose Kalexon Ispaniyaga qaytishga yaqin turibdi.

Calciomercato nashri xabariga ko'ra, "Betis" va "Sevilya" klublari 33 yoshli ispaniyalik futbolchiga da'vogarlik qilmoqda. Hujumchi "Napoli" bilan shartnomasi tugagani munosabati bilan 2019/20 mavsum oxirida erkin agentga aylandi.

Eslatib o'tamiz, 2019/20 yilgi mavsumda Kalexon "Napoli" safida 45 ta o'yin o'tkazib, 4 ta gol va 10 ta gollik uzatma amalga oshirdi.