Iguainning otasi: «Gonsalo «Yuventus» bilan shartnomani bekor qilmoqchi emas»

«Yuventus» hujumchisi Gonsalo Iguainning otasi Xorxe Iguain o'g'lining turinliklar bilan shartnomani bekor qilishi haqidagi xabarlarga o'z munosabatini bildirdi.

Avvalroq Gonsalo "keksa sinora"ning yangi bosh murabbiyi Andrea Pirloning rejalariga kirmasligi haqida xabar tarqalgan edi.

«Aytishlaricha, u «Yuventus»ga kerak emas emish. Bu yolg'on. Klub unga ishonch bildirishda davom etadi, u esa shartnomani bekor qilmoqchi emas», — dedi Xorxe Iguain.

32 yoshli Iguain 2016 yilda buyon «Yuventus» o'yinchisi hisobalanadi. 2019/20 yilgi mavsumda argentinalik futbolchi 44ta uchrashuvda maydonga tushib, ularda 11ta gol urdi va 8ta golga uzatma berdi. Uning "Yuve" bilan shartnomasi 2021 yilga qadar tuzilgan.