Pike: «Barselona»dan ketish kerak bo'lsa, ketishga tayyorman»

«Barselona» himoyachisi Jerar Pike «Bavariya»ga qarshi o'yindan keyin o'z fikrini bildirib o'tdi. Eslatib o'tamiz, kataloniyaliklar EChLning chorak final bosqichida "Bavariya"ga 2:8 hisobida imkoniyatni boy berishdi.

«Biz eng quyiga sho'ng'idik. Jamoaga yangi qon quyilishi uchun men ketishim kerak bo'lsa — ketaman. Evropada biz musobaqada ishtirok etmayapmiz, Ispaniyada esa barchasi tugadi. Buni yashirib bo'lmaydi.

Sharmandalik. Boshqa hech narsa deya olmayman. Bu birinchi yoki ikkinchi marta emas. Klub barcha darajada jiddiy o'zgarishlarga muhtoj», — dedi Pike.