Jamshid Saidov: «Qisqa muddatda o'yinga tayyorlanib, «Bunyodkor»dan ochko oldik»

«Bunyodkor» jamoasiga qarshi kechgan uchrashuvdan so'ng «Bunyodkor» bosh murabbiyi Jamshid Saidov o'z fikrlarini bildirib o'tdi.

"Birinchi navbatda maydonda harakat qilgan yigitlarga rahmat aytmoqchiman, ular o'zlariga yuklatilgan barcha vazifalarni 100 foiz to'laqonli bajarishdi.

Bugun tarkibimizda ko'proq yoshlar maydonga tushishdi, ayrimlari hatto birinchi marta asosiy tarkibda harakat qilishdi. Men o'yin uchun ulardan judayam minnatdorman.

Bizda ushbu o'yinga tayyorlanish uchun vaqt etishmadi, bilasiz jamoamizda bir qator futbolchilarimiz karonavirusga chalinib davolanish jarayonini o'tkazishdi. Shu sababli to'liq tarkib bilan tayyorlanish uchun muammolar paydo bo'ldi. Lekin biz «Bunyodkor» jamoasining qanday harakat qilishini, futbolchilarining nimalarga qodirligini yaxshi bilar edik. O'ylashimcha, qisqa muddatlarda o'yinga tayyorgarlik olib borib, bugun «Bunyodkor»dan ochko olishga muvaffaq bo'ldik.

Chempionatning 3-turidan so'ng, pandemiya sababli o'yinlar noma'lum muddatlarga qoldirilgan edi. Jamoamizning legioner futbolchilari bu davrda, o'z mamlakatlariga uchib ketishgan, afsuski ular ma'lum sabablarga ko'ra yurtimizga qaytishmadi.

Jamoa rahbariyati ular bilan shartnomani bekor qilish uchun muzokara olib borib, ikki tomonning roziligi bilan legionerlar bilan do'stona ravishda xayrlashib, shartnomani bekor qilishga erishildi", — dedi Saidov.