"Atalanta" "Shaxter" futbolchisiga ko'z tikmoqda

"Atalanta" "Shaxter" yarimhimoyachisi Taysonning transferiga qiziqish bildirmoqda, deya xabar beradi La Gazetta dello Sport nashri.

Manbaga ko'ra, italiyaliklar 32 yoshli braziliyalik futbolchi bilan uch yillik shartnoma imzolashga tayyor.

Ma'lumot uchun, Transfermarkt portali futbolchining narxini 9,5 million evroga baholamoqda.

Eslatib o'tamiz, o'tgan mavsum Tayson "Shaxter" uchun 25 ta o'yinda maydonga tushib, 10 ta gol urdi va 8 ta gollik uzatma amalga oshirdi.