Key liga. Doston Tursunovning so'nggi soniyalardagi goli «Pusan»ga durang taqdim etadi (videosharh)

Janubiy Koreya chempionatining 16-turi doirasida "Syongnam" va "Pusan I'Park" klublari to'qnash kelishdi. Jamshid Iskanderov va Doston Tursunov o'z jamoalari safida uchrashuvni asosiy tarkibda boshlashdi.

"Syongnam" bosh murabbiyi ikkinchi bo'lim Iskanderovni zaxiraga olib, uning o'rniga Kim Xyun-Sungni maydonga tushirdi. Aynan ushbu futbolchining uzatmasidan keyin bahsning 61-daqiqasida Yu In-Su hisobni ochdi.

Ikkinchi bo'limga qo'shib berilgan 4-daqiqada Doston Tursunov burchakdan etkazilgan uzatmani bosh bilan darvozaga joylab, hisobni tenglashtirdi.

Ushbu durangdan keyin "Syongnam" 18 ochko bilan 6, "Pusan I'Park" esa 16 ochko bilan 8-o'rinni egallab turibdi.

Janubiy Key-ligasi, 16-tur
"Syongnam" - "Pusan I'Park" - 1:1 (0:0)
Gollar: Yu In-Su (61) — Doston Tursunov (90+4)
«Seongnam»: Kim Yon Gvan, Lim Shin Gyom, Yon Je Un, Li Te Hi, Yu In Su, Kim Don Hyon, Pak Te Jun, Li Chan Yon (An Yon Gyu, 90), Iskandarov (Kim Hyon Son, 46), Na San Ho, Yan Don Hyon (Kish, 78).
«Pusan Ay Park»: Kim Ho Jun, Kim Myon Jun, Tursunov, Kan Min Su, Kim Mun Hvan, Pak Jun Gan, Pak Chon U, Li Don Jun, Romulo, Kvon Hyok Kyu (Kim Byon O, 61), Li Chon Hyop (Gustavo, 65)