«PSJ»ning ikki etakchisi «Leyptsig»ga qarshi o'yinda ishtirok etmasligi mumkin
/ Kiritdi: BestMaster Ko'rilgan: 644
«PSJ» darvozaboni Keylor Navasning Evropa chempionlar ligasi yarim final bosqichi doirasida «RB Leyptsig»ga qarshi o'yindagi ishtiroki so'roq ostida qolmoqda. Bu haqda parijliklar rasmiy sayti xabar tarqatdi.
Navas chorak finaldan o'rin olgan «Atalanta»ga qarshi uchrashuvda (2:1) jarohat olgan edi. 33 yoshli futbolchi o'yinning 79-daqiqada zaxiraga olingan edi.
Tibbiy tekshiruv natijalariga ko'ra, Navasning o'ng oyog'ining son qismidagi mushagi jarohat olgan. Posbon shanba kuni qo'shimcha tibbiy ko'rikdan o'tadi va shundan so'ng uning yarim finaldagi ishtiroki borasida qaror qabul qilinadi.
Shuningdek, jamoa markaziy himoyachisi Tyago Silvaning "Leyptsig"ga qarshi o'yinda maydonga tushishi noma'lum bo'lib turibdi. Braziliyalik futbolchi ham 12 avgust kuni bo'lib o'tgan bahsda tizza orti payini shikastlab olgan.
«PSJ» — «RB Leyptsig» uchrashuvi 18 avgust kuni Lissabondagi «Da Lush» stadionida bo'lib o'tadi.
Bosh sahifaga
257