"Vulverxempton" bosh murabbiyi bilan shartnomani uzaytirmoqchi

"Vulverxempton" bosh murabbiyi Nunu Eshpirito Santu bilan shartnomani uzaytirish bo'yicha muzokara tafsilotlari ma'lum bo'ldi.

Daily Star nashri xabariga ko'ra, "bo'rilar" rahbariyati 46 yoshli portugaliyalik murabbiyga yiliga 5 million funt maosh bilan yangi shartnoma taklif qilishdi.

Xabar qilinishicha, amaldagi shartnomasi 2021 yil iyun oyining oxirida tugaydigan mutaxassis, jamoa bilan ishlashni davom ettirishga rozilik berishdan oldin, ushbu yozda tarkibni kuchaytirish haqida klubdan kafolat olmoqchi.

Eslatib o'tamiz, 2019/20 yilgi mavsumda "Vulverxempton" Angliya chempionatida 7-o'rinni egalladi hamda Evropa Ligasining chorak finaliga chiqib, "Sevilya"ga mag'lub bo'ldi (0:1).