«PSJ» 25 yil ichida ilk marta EChL yarim finaliga chiqdi

Lissabon shahrida Evropa chempionlar ligasining "sakkiz finalchi" bosqichi boshlandi. «Eshtadiu da Lush» stadionida bo'lib o'tgan chorak final bahsida «PSJ» «Atalanta» ustidan irodali g'alabaga erishdi.

Shu tariqa, parijliklar 1995 yildan beri ilk marta musobaqa yarim finalida ishtirok etish huquqini qo'lga kiritdi. Jamoa 25 yil ilgari final ostonasida «Milan»ga imkoniyatni boy bergan edi (0:1, 0:2).

«PSJ» so'nggi 3ta mavsumda nimchorak final bosqichidan o'ta olmayotgan edi.