O'zbekiston MTJning JCh-2022 saralash o'yinlari keyingi yilga qoldirildi

OFK JCh-2022 saralash bosqichidan o'rin olgan o'yinlar bu yil o'tkazilmasligini e'lon qildi.

Pandemiya sabab saralash o'yinlari shu yilning oktyabr va noyabr oylariga surilgan edi. Ammo mavjud vaziyatdan kelib chiqib, OFK o'yinlarni keyingi yilga qoldirishga qaror qildi.

Ma'lumot uchun, O'zbekiston MTJ 13 oktyabr kuni Yaman bilan, 12 noyabr kuni Singapur bilan, 17 noyabr kuni Saudiya Arabiston bilan o'ynashi kerak edi.

Osiyo mintaqasi uchun JCh-2022 saralash o'yinlarining yangi sanalari OFK tomonidan tez orada ma'lum qilinadi.