Gasperini: «EChLda tajribaga ega bo'lmasdan turib ham muvaffaqiyatga erishishi mumkinligini «Atalanta» isbotladi»

"Atalanta" bosh murabbiyi Jan Pero Gasperini "Pari Sen-Jermen"ga qarshi bo'lib o'tadigan chorak final bahsi oldidan matbuot anjumanida ishtirok etdi.

"Bizning tariximizni inobatga olganda, men chorak final bosqichi 2ta o'yindan iborat bo'lishini istardim. Biz shu paytgacha "PSJ" bilan to'qnash kelmaganmiz. Bu raqibni faqat videoyozuvlar orqali o'rgandik. Shu paytgacha Chempionlar ligasida biz asosan ikkinchi o'yinda yaxshi natija qayd etdik — "Dinamo Zagreb", "Shaxtyor" va "Manchester Siti" bilan.

EChLda tajribaga ega bo'lmasdan turib ham muvaffaqiyatga erishishi mumkinligini isbotladik. G'alabaga bo'lgan iroda, motivatsiya va jonbozlik katta ahamiyatga ega. Bu esa futbol ishqibozlariga yoqadi. Zimmamizda ulkan mas'uliyat yotibdi. Biz o'z muxlislarimizni xafa qilish huquqiga ega emasmiz. Men natija haqida gapirmayapman, biz bor kuchimiz bilan o'ynashga majburmiz", - dedi Gasperini.