FIFAning o'zi «Oltin to'p» sovrinini topshirishi mumkin

Xalqaro futbol assotsiatsiyalari federatsiyasi (FIFA) 2020 yilgi "Oltin to'p" sovrinini topshirishni o'z zimmasiga olishi mumkin.

«Bavariya» boshqaruv kengashi raisi Karl-Xaynts Rummenigge bu haqda FIFA prezidenti Janni Infantino bilan gaplashgan. Avvalroq «Oltin to'p» sovrinining huquqiy egasi hisoblangan "France Football" jurnali 2020 yil yakunlari bo'yicha sovrinni topshirmaslikka qaror qildi.

"Men Infantino bilan telefon orqali gaplashdim. FIFA 2020 yilda «Oltin to'p»ni topshirish masalasini jiddiy o'rganmoqda», — dedi Rummenigge.

Ma'lumot o'rnida. Rummeniggening fikricha, joriy yildagi «Oltin to'p»ga «Bavariya» hujumchisi Robert Levandovski asosiy da'vogar hisoblanadi. 31 yoshli futbolchi Bundesliganing joriy mavsumida 31ta o'yinda maydonga tushib, 34ta gol urdi. Shuningdek, u Evropa chempionlar ligasi doirasida 7ta o'yinda 13ta gol urdi.