Rivaldoning o'g'li faoliyatini Ukraina chempionatida davom ettirishi mumkin

Kievning «Dinamo» klubi Ruminiyaning «Viitorul» klubi hujumchisi Rivaldinoga qiziqish bildirmoqda.

Sport.ro tarqatgan xabarga ko'ra, kievliklar braziliyalik futbolchi bilan yozgi transfer paytida shartnoma imzolashlari mumkin. Shuningdek, hujumchiga Polshaning «Krakoviya» klubi qiziqish bildirmoqda.

Rivaldino Braziliya terma jamoasining afsonaviy futbolchisi Rivaldoning o'g'li hisoblanadi.

25 yoshli Rivaldino 2019 yilning yozida «Levski»dan «Viitorul»ga o'tgan edi. Joriy mavsumda futbolchi Ruminiya chempionati doirasida 16ta o'yinda maydonga tushib, 6ta gol urdi va 4ta golga assistentlik qildi. Uning klub bilan shartnomasi 2021 yilning yoziga qadar tuzilgan.

Manba: championat.com