«Liverpul»ning yangi futbolchisi nimalar dedi?

Angliyaning «Liverpul» klubi yangi futbolchisi Konstantinos Tsimikas amalga oshgan transferi haqida fikr bildirdi.

«Juda baxtiyorman va bu erda ekanligimdan faxrlanaman. «Liverpul» men uchun – dunyodagi eng katta klub. Bu erda o'ynash sharaf va bor imkoniyatlarimni ishga solaman.

Avvaliga ushbu bitim amalga oshishiga ishonmagandim. Biroq, men bu erga o'tganimdan va ushbu jamoa safida o'ynashdan juda xursandman.

Mening akam «Liverpul» muxlisi va u meni bu erga ko'chib o'tishimga undadi. Bolaligimdan «Liverpul» klubiga muxlislik qilganman. Mening oilam ushbu transferdan juda xursand», – dedi Tsimikas «Liverpul» klubining rasmiy sayti.