«Atletiko»ning koronavirusga chalingan 2 o'yinchisi EChL bahsini o'tkazib yuboradi

"Atletiko"ning ikki o'yinchisi koronavirusga chalindi, deya xabar tarqatdi klub rasmiy sayti.

Xorvatiyalik himoyachi Shime Vrsalko va argentinalik yarim himoyachi Anxel Korrea topshirgan testlar musbat natija bergan. Har ikki futbolchi hozirda karantinga olingan. Ularda kasallik alomatlari sezilmayapti. Ular 13 avgust kuni bo'lib o'tadigan "RB Leyptsig"ga qarshi uchrashuvni o'tkazib yuborishadi.

25 yoshli Korrea joriy mavsumda barcha musobaqalar doirasida 44ta o'yinda maydonga tushib, 7ta gol urdi va 8ta golga uzatma berdi. 28 yoshli Vrsalko hisobida esa 1ta gol va 7ta assist mavjud.