«Spartak» bosh direktori O'runov qachon maydonga tushishi mumkinligini aytdi

«Spartak» bosh direktori Shamil Gazizov jamoaning yangi a'zosi Oston O'runov qachondan boshlab maydonga tushishi mumkinligiga izoh berdi.

«O'runov umumiy guruhda shug'ullanmoqda. Undan tashqari, u individual reja asosida mashg'ulotlarda ishtirok etmoqda. U jismoniy formasini tiklashi kerak. O'ylashimcha, bir haftadan keyin u o'ynashga tayyor bo'ladi. Ostonning asosiy kuchi — u jangchi va gladiator. Ushbu futbolchi "Spartak"da avval bo'lmagan jihatlarni berishi mumkin.

O'runovning transfer narxini sizga aytmayman. Men «Spartak»ka ko'chib o'tganimda, O'runov ham "qizil-oqlar" safiga o'tishini aytgandim. Buni Leonid Fedun ("Spartak" xo'jayini) va «Ufa» bilan muhokama qildim. Shu bois, qaror qabul qilindi. Transfer summasi o'shanda hal bo'lgan edi», — dedi Gazizov.