Davron Fayziev: "O'yindan keyin"

Taniqli sharhlovchi Davron Fayziev bugungi o'yinlardan keyin o'z fikrlari bilan o'rtoqshladi.

"Ikkita teng kuchli jamoa o'ynaganda ko'pincha shunday mayda detallar hal qiladi. Varan bir yo'la ikki marta adashdi. Nega? Chunki "Manchester Siti"ning daxshatli pressingi majbur qildi. Bu oddiy ko'ringan xatolar zamirida "Siti"ning to'psiz harakati yotibti. Balki Zidan va "Real" muxlislarining Varanga nisbatan dastlabki reaktsiyasi juda salbiydir. Ammo eslatib o'tmoqchiman, "Real Madrid" 4 marta Chempionlar ligasini shu Varan bilan yutdi, Frantsiya esa Jahon chempionatini.

Narigi uchrashuvda apset bo'ldi. "Lion" turnir favoritlaridan biri "Yuventus"ni yiqitdi. Ronalduning dubllari "Real"ga etishmadi, "Yuve"ga esa etmadi. Sarri bilan bu tarkib shunchaki uvol. "Yuventus" boshqa murabbiy bilan ko'karadi va mevaga kiradi. Sarri esa TOP emas va uning uchun ham xayrli yo'l boshqa klubdir.

"Manchester Siti" va "Lion" kun qahramonlari. Katta favoritlarni chiqarib yuborishdi", -deya telegram kanaida yozib qoldirdi Fayziev.

Manba: Davron Fayziev telegram kanali