Zidanning mo'jizasi va uning asosiy quroli

“Real”ning asosiy yulduziga aylangan Zayniddin Zidan haqida  Stadion.uz fikr almashadi.

Zidanning buyuk murabbiy ekanligiga ko'pchilik shubha qiladi. Sababi, u barcha ko'chirishga urunadigan o'yin uslubini o'ylab topgani yo'q. Boz ustiga, kuchli strateg ham emas. Shunga qaramay, u erishayotgan yutuqlar kishi ko'zini qamashtirmay qolmaydi.

Ko'pchilik “Real”ni zamonamizning eng oldi jamoasi bo'lishida Ramos, Varan, Kroos, Kazimiro va Benzemalarning o'rni juda katta deb hisobladydi. Aslida ham shundaymi? Misol uchun Benzemani “Manchester Yunayted” yoki “Yuventus”da tasavvur qilib ko'ring?! Albatta, uning imkoniyatlari keskin kamayib ketadi, biroq Zidan o'zining kenja ukasini dunyoning eng kuchli hujumchilaridan biri ekanligini isbotlash uchun qo'lidan kelgan barcha ishni uddalamoqda. Bu Zidanning chinakam mo'jizasi desak, adashmagan bo'lamiz. Zidanni “Yuve” yoki “Bavariya”da tasavvur qilib ko'rganmisiz? Bu klublar ham o'z diyorida birinchi raqamli jamoalar, biroq ayni damda “Real” uchun Zidandan muhimroq figura yo'q. Zizu bugungi kunda faqat va faqat “Real”ga kerak.

“Real”ning abadiy raqibi“Barselona” jamoasi futbolchilari murabbiydan yolchimayotgan bir paytda, Peres Zidanni mahkam ushlab olishga qaror qildi va adashmadi. BIrinchi mavsumda o'yini chiqmagan Kurtua ham Zidanning iliq so'zlari ta'sirida o'z-o'zini tengib o'tdi va Oblakdan ham yaxshiroq mavsum o'tkazdi. Eden Azar ham o'z kumiri qo'l ostida ikkinchi mavsumni kutmoqda. Birinchisi omadsiz kechdi, lekin Eden bo''h kelmoqchi emas. Sababi, unga Zidan ishonch bildirmoqda. Yoshligidagi kumiri tomonidan taqdim etilgan ishonch kreditlarining “galaktikos” yulduzlari uchun qadri juda balan ekanligini bir necha yillardan beri ko'rib kelyapmiz.

Zidandan oldin Lopategi, Benites, Solari va boshqalar vaziyatni o'zgartirishga qodir emasligini ko'rsatib qo'ydi. Hatto ayrimlar Ronalduga jarima zarbalarini yo'llash borasida ko'rsatma ham berdi, biroq Kataloniya klubidan “Real” o'zib keta olgani yo'q. Klub tepasiga Zidan kelgach, futbolchilar nafaqat jismonan, balki ruhan yanada qudratli kuchga aylanishdi. Zaxira o'rindig'ida bashing kiyingan Zidanning paydo bo'lishi, uxlab yotgan kuchni uyg'otib yubordi desak, adashmagan bo'lamiz.

Ko'pchilik “Barselona” jamoasidagi futbolchilarning og'ir harakterli ekanligini ro'kach qilib ko'rsatadi. To'g'risi, bunga qo'shilmagan bo'lar edim. “Real”ning futbolchilariga e'tibor qarating: Kurtua, Ramos, Varan, Marselo, Karvaxal, Modrich, Kroos, Isko, Benzema, Xames va Beyl. Bu yulduzlar bilan til topishish oson ish emas. Ular orasida singan telefondan foydalanadigan Mane yoki sodda mashinada harakatlanuvchi Kantelar yo'q. Har biri o'z ampluasining eng kuchli ijrochilari bo'lgani bois, Zidanga oson bo'lmoqda deb bo'lmaydi, lekin fransiyalik murabbiy qiyin vaziyatdan chiqib ketish yo'lini topdi va barcha yulduzlarni bir musht sifatida yig'di.

Janjalkash Beyl, talabchan Kroos va jangchi Ramoslarni bo'ysundirish uchun futbol maydonida nimagadir erishgan sobiq futbolchi bo'lishi lozim. Ikki bor “Oltin to'p” loyiq ko'rilgan va JCh g'olibi Zidan bu ishni munosib uddalamoqda. Bundan ko'rinib turibdiki, agar Peres Zidanni ortga qaytarmaganida, “Real”ning ahvoli ancha og'irlashib qolgan bo'lar edi.

To'g'ri, “qirollik klubi” safida ham soddaroq futbolchilar mavjud. Masalan hech kim tanimaydigan Mendi ko'pincha dunyoning eng sovrindor fulbeki Marseloni zaxira o'rindig'ida o'tirishga majbur qilmoqda. Agar bu Zidannign tanlovi bo'lmaganida, allaqachon Marsello “Yuventus” safida Italiya chempionligini qo'lga kiritgan bo'lar edi.

E'tibor bergan bo'lsangiz, Zidan deyarli hech qaysi futbolchini “sinib” qolishiga imkon qoldirmadi. Xames tez-tez ko'inish bermoqda. Beyl borasida biror narsa deyish mushkul. Golf ustasining o'zi allaqachon kelajagi bilan qiziqmay qo'ygan.

Yarim himoyachilar borasida ham hozircha hech qanday yangilik yo'q. Shunga qaramay, tez orada Modrich ham markazda biroz “siqilib” qolishi mumkin. Sababi, Zidan o'z jamoasiga kelasi mavsumda baribir yangi yarim himoyachi harid qiladi. Pogbaning transfer summasi juda baland. Uni hisobdan chiqarish mumkin. Ayni damda, kamida Edegor ijaradan ortga qaytadi. Bundan tashqari, Isko ham hujumchi ortida ko'proq o'yin amaliyotiga ega bo'lishi mumkin.

Garet Beyl haqida biror nima deyish mushkul. Sababi, uelslik futbolchi uchun kelajagi qiziq emas. Hatto uni Zidan “Siti”ga qarshi uchrashuvning qaydnomasiga ham kiritmadi. Shuningdek, Yovichning ham kelajagi qil ustida turibdi. Serb xurmacha qiliqlari sababli taqdirning sovg'asini qo'ldan chiqarib yuborishi hech gap emas. Shunindek, o'zini Ronaldu va Messidan iqtidorli deb hisoblovchi Xames Rodriges ham ketishi oydinlashib qoldi. Bilasizmi, nima uchun Zidan jamoaga katta naf keltirmasada Vaskes va Diasni jamoada olib qoldi? Sababi, ularning jamoaning ichki muhitiga hech qanday ziyoni yo'q. Zidan o'z jamoasining ichki muhiti bilan doimo hisoblashgan. Balki, shu sababli super yulduzlar uning har bir qarorini qonundek qabul qilar?!

Shu o'rinda Zidanning uzoqni ko'ra olish qobilyatini ham alohida qayd etib o'tish joiz. E'tibor qarating, agar klubni Marselo tark etsa, uning o'rnini egallash uchun Regilon tayyor turibdi. Markazdagi istalgan futbolchini Kubo yoki Edogor ortiqcha muammosiz kamida 5 yilga o'rnini egallashga qodir. Darvozabonlar borasida ham endi muammo yo'q. “Qaymoqranglilar”ni Zidan va Ronaldu tark etgach, klub juda qiyin ahvolda qoldi va o'z tarixidagi eng yomon mavsumlardan birini o'tkazdi. Keyin Ronaldu emas, Zidan ortga qaytdi. Vaziyat esa, portugaliyalik futbolchining yordamisiz ham o'nglandi va “Real” “Barselona”dan chempionlikni yulqib oldi. Zizu birorta ulkan transfersiz ham “qirollik klubi”ni yana Ispaniya chempionligi sari boshlab bordi. Qo'shimchasiga, pandemiya sababli paydo bo'lgan tanaffus ham Zidanning shashtini sindira olmadi. Bu chempionlik Zidanning kelajagi porloq murabbiylardan biri ekanligiga isbot emasmi?

Zamonaviy futboldagi barcha murabbiylarning o'ziga hos obrazi mavjud. Klopp – “Ajoyib suhbadosh”, Mourino – “yomon amaki”, Gvardiola – “Universitet professeri” va yana boshqa ko'plab misollarni keltirish mumkin. Zidan esa, tom ma'nodagi “qattiq qo'l, biroq mehribon ota” obraziga kirib bormoqda. U qo'l ostidagi futbolchilarga ishonadi va qo'llab quvvatlaydi. Hato qilib qo'ysa, keskin choralar ko'radi, lekin o'z hayotidan chiqarib yubormaydi. O'z “o'g'illari” hatosini anglab etgach, yana hech narsa bo'lmagandek ular bilan murosa qilishda davom etadi. Bu obraz haftasiga million ishlab topadigan erkatoy “o'g'illar” bilan ajoyib mos kelmoqda. Bu erkatoylar boshqacharoq obrazdagi murabbiyni qabul qilishlari juda mushkul.

Zidan boshqa murabbiylar singari oav yoki muxlislar oldida rol ijro etmaydi. U hayotdagi obrazini shunchaki barchaga ko'rsatadi. Uning maydon chetida sovuqqonlik bilan o'yinni kuzatishi, chiroyli gollarga sodda, biroq samimiy reaktsiya bildirishi allaqachon futbolchilarning mehrini qozonib bo'lgan. “Real”ning bugungi kundagi yutuqlari aynan Zidanning samimiylik ustida shakillantirgan jamoasi bilan uzviy bog'liq.

Bu mavsum boshida Ramos biroz o'z tempini yo'qotib qo'ygani yodingizdami? Serhio uchun qiyin pallada Zizu ruhan uni qo'llab quvvatladi va tinmay u bilan personal suhbatlar olib bordi. Yakunda, Ramos amalga oshmagan “oltin to'p” sovrini uchun da'vogar bo'ldi. Aynan ruhiy kuch-quvvat Zidan va “Real”ning ayni damdagi yashirin quroliga aylangan desak, adashmagan bo'lamiz. Zidan nafaqat Ramos balki, boshqa futbolchilarga ham personal yondashuvni unutib qo'ymayapti. Zidan ortga qaytanida, Varan allaqachon “Manchester Yunayted” bilan muzokaralarni boshlab yuborgan edi. Juda eta barcha sovrinlarni qo'lga kiritgan himoyachi Zidanning iltimosi bilan “Real”ga kelgan edi. Uning iltimosi bilan yana jamoada qoldi. Bezema esa, Zidandan boshqa murabbiy qo'l ostidagina hujumdagi nisbatan kuchsizroq jamoadoshlar bilan bunday sermahsullik ko'rsata olmasligini o'zi ham anglab etgan bo'lsa kerak. Kechagina Braziliya yoshlar jamoasida to'p surayotgan Vinisius va Rodrigolar bugun jamoaning asosiy vingerlariga aylanishdi. Yoshlarni tarbiylash borasida ham Zidan istalgan murabbiy bilan bahslasha oladi.

Bu mavsumda jamoaning asosiy figuralariga aylangan Ramos, Modrich, Beyl va Kurtualar Zidanning mehnatlari evaziga chempion jamoaning suyagiga aylana oldi. Bugungi “Real”ning ichki muhitiga “Liverpul” ham havas qilishi turgan gap. Sababi juda odiy. Jamoaning qariyalari zaxirada murabbiy istaganicha o'tirishga tayyor. Yoshlar Zidan ularga imkon berishiga ishonchi komil bo'lgani uchun ham boshqa klublarga “qochib ketmoqchi” emas. Peres Zidanning mavqeyini ko'tarish bilan band. Zayniddin esa, o'z mavqeidan unumli doydalanishni uddalamoqda.

Barcha yutuqlarga erishib bo'lgan “ko'zi to'q” futbolchilardan Zidan g'alaba chanqoq jamoani “yasay olgani” e'tiborga molik. Murabbiyning o'zi bu retmni tushirib yubomaslik uchun rotattsiyadan juda unumli foydalanmoqda. Eng muhimi, Zidan avlodlar almashinuvini boshidan o'tkazishiga yaqin qolgan tarqoq jamoaga yangi hayot taqdim etdi. Endilikda, bu klubga kelgan yangi futbolchilar Kazimoro singari mehnat qilsa, albatta yuzaga chiqishga 100 foiz ishonmoqda. Agar Beyl singair dangasalik qilsa, kema bortida qolib ketishini ham allaqachon anglab etishmoqda. Zidan hech kimni o'z shaxsiy prinsiplari asosida jazolamaydi. Hammada tanlov bor. Har bir futbolchi o'zining klubdagi keljagiga o'zi javobgar va buni allaqachon Eden Azar ham anglab etdi.

Bu mavsumda Zidan “Real” bilan EChLda zafar quchmasligi mumkin, biroq o'ziga bo'lgan hurmat va ishonchli saqlab qolishi turgan gap. Bu omil kelajakda o'z mevasini bermay qolmaydi. Bunga ishonchimiz komil.