«Spartak» O'runovni RPL qaydnomasiga kiritdi

«Spartak» klubi yangi futbolchilar — Aleksandr Kokorin va Oston O'runovni Rossiya chempionatining kelgusi mavsumi uchun ro'yxatdan o'tkazdi. Bu haqda Rossiya premer-ligasi rasmiy sayti xabar tarqatdi.

Kokorin "qizil-oqlar" safida 9-raqamda o'ynasa, o'zbekistonlik futbolchi 20-raqamli futbolkada harakat qiladi.

«Spartak» Rossiya chempionatining 1-turi doirasida o'z uyida "Sochi"ni qabul qiladi. Uchrashuv 9 avgust kuni Toshkent vaqti bilan 22:00da start oladi.