«MYu» Aleksis Sanches bilan shartnomani bekor qilish uchun kompensatsiya to'ladi

Kecha hujumchi Aleksis Sanches erkin agent sifatida «Inter» bilan shartnoma imzoladi.

"The Guardian" tarqatgan xabarga ko'ra, «Manchester Yunayted» chililik futbolchi bilan shartnomani bekor qilish 31 yoshli futbolchiga 7,5 million funt miqdorida kompensatsiya mablag'ini to'lab bergan. Bu orqali «MYu» taxminan 33 million funt mablag' iqtisod qilgan. Chunki, Sanchesning shartnomasi yakunlanishiga hali ikki yil vaqt bor edi.

Aleksisning «MYu» safidagi haftalik maoshi 390 ming funtga (yillik — 20,3 mln funt) teng edi. Ma'lumotlarga qaraganda, uning «Inter»dagi maoshi 7 mln. evro atrofida bo'ladi.