Koronavirusdan tuzalgan «Navbahor» futbolchilari mashg'ulotga qo'shildi

Xabaringiz bor, Coca Cola Superliganing 10-13-turlar bahslari markazlashgan holda, Toshkentda o'tkaziladigan bo'ldi. Mazkur o'yinlarga jiddiy tarzda tayyorgarlik olib borayotgan “Navbahor” a'zolari mashg'ulotlarda astoydil ter to'kishmoqda.

Andrey Kanchelskis shogirdlari bugun ham mashg'ulotni davom ettirishdi.

“Lochinlar” bugungi tayyorgarlik jarayonini “Markaziy” o'yingohning zaxira maydonida olib borishdi.

Unda O'zbekiston milliy terma jamoasiga jalb etilgan futbolchilardan tashqari, barcha jamoamiz a'zolari ishtirok etishdi.

Biz uchun quvonchlisi, jamoamizning koronavirus infektsiyasi sababli, izolyatsiyaga olingan futbolchisi ham ma'lum muddatli karantindan so'ng, yana tuzalib,  bugungi mashg'ulotda ishtirok etdi.

“Navbahor”ning barcha a'zolariga Allohdan sihat-salomatlik, mashg'ulotlarda  esa futbolchilarga kuch-quvvat tilab qolamiz.

“Navbahor” PFK matbuot xizmati.